Prishtinë
28/08/2024
AKP e cila ka në Administrim të Drejtpërdrejtë Ndërmarrjen Shoqërore “Inex Sharr Planina ” Brezovicë , SHPALLË këtë:
FTESË PËR OFERTË
- LËNDA E KONTRATËS
Riparimi i Kulmit të NSH Inex Sharr Planina Brezovicë- Hotel Molika
Me qëllim të riparimit të kulmit rreth Dritareve të vendosura në Kulmin e katit të pestë dhe pjesën e vjetër të Hotelit Molika, AKP shpallë tenderin publik me specifikat si në vijim:
• Rinovimi i të gjitha dritareve të vendosura në kulmin e pjesës së vjetër të “Hotel “Molika”, në formën e montimit të kangjellave të nevojshme në pjesën e jashtme të dritareve (kangjella të plota)
• Renovimin e kulmit në objektin e Hotel “Molika”, meqë mbulesa e jashtme aktuale e kulmit është me material nga bakri parashikohen që edhe riparimet të realizohen me bakër dhe materiale izolatorë të përshtatshëm.
• Renovimi i mbrojtësve të borës që janë të vendosura mbi kulm.
Kërkesat teknike për operatorin ekonomik:
Operatori ekonomik duhet të jetë i regjistruar në Republikën e Kosovës;
Duhet të ketë përvojë në ofrimin e shërbimeve të ngjashme – Referencat.
Të gjitha punimet duhet të jenë sipas standardave më të larta dhe normave që i përshtaten kushteve atmosferike dhe kontraktorët janë të detyruar të japin garanci për punët e kryera.
Operatori ekonomik fitues do të shpallet ai i cili i plotëson kriteret teknike, oferton me çmimin më të ulët dhe me afatin më të shkurtër për kryerjen e punimeve.
AFATI KOHOR DHE VENDI PËR DORËZIMIN E OFERTAVE
Për tu njohur më afër me punët të cilat duhet të realizohen Operatorët ekonomik mund të bëjnë vizitë te Qendra e Skijimit në Brezovicë gjegjësisht në objektin e “Hotel Molika” çdo ditë pune nga data 28.08.2024 deri më 08.09.2024. Personi kontaktues për shikimin fizik të kulmit do të jetë z. Zoran Geric me numrin e telefonit: 045/483 284.
Ofertat finale të cilat duhet të jenë në zarf të mbyllur dhe duhet të dërgohen më datën 09.09.2024 nga ora 13:15 deri në orën 14:15 në adresën e mëposhtme:
Agjencia Kosovare e Privatizimit, rr. Dritan Hoxha nr. 55, 10000 Prishtinë.
Ofertat do të hapen me datën 09.09.2024 në ora 14:20 në Agjencinë Kosovare të Privatizimit, rr. Dritan Hoxha nr.55, 10000 - Prishtinë.
V. Përfaqësuesit legjitim të ofertuesve, mund të marrin pjesë me rastin e hapjes së ofertave.